کرناٹک کے ضلع یادگیر کے تعلقہ شاہ پور کے کانگریس یادگیر ضلع یوتھ مائناریٹی سیکریٹری طلعت چاند نے میڈیا سے بات کرتے ہوئے کہا کہ اکثر تعلیم یافتہ نوجوانوں میں ڈاکٹر، انجینیئر دیگر شعبوں میں ڈپلوما کرنے کا رجحان زیادہ ہے۔
ایسا نہیں کہ اس میں زیادہ دلچسپی نوجوانوں کی ہے بلکہ ان نوجوانوں سے جڑے سرپرست اور والدین بھی کہیں نہ کہیں نوجوانوں کو اعلیٰ تعلیم کے بہانے اور سماج میں اپنی شان و شوکت دکھانے کے لئے اپنی اولاد کو ڈاکٹر اور انجینیئر کی تعلیم دلانا فخر سمجھ رہے ہیں۔
انہوں نے مزید کہا کہ سماج میں اس طرح کی سوچ سے ہمارے نوجوان سرکاری محکمہ جات میں نوکریاں حاصل کرنے میں پوری طرح ناکام ہے، خاص کر مسلمانوں میں سرکاری نوکریوں کا فیصد دن بدن گھٹتا جارہا ہے۔
یہ بھی پڑھیں: دسویں یا بارہویں پاس کے لیے وزارتِ دفاع کی آسامیوں میں بھرتی
طلعت چاند نے نوجوانوں سے اپیل کرتے ہوئے کہا کہ نوجوان اعلیٰ تعلیم حاصل کرنے کے بعد سرکاری نوکریوں پر زیادہ فوکس کریں، والدین اور سرپرستوں کو چاہیے کہ وہ اپنے بچوں کو قوم و ملت اور ملک کی خدمت کے لیے سرکاری ملازمتوں میں خدمت کرنے کے جذبے کو ابھاریں۔
