غلام جیلانی افغان صدر درگاہ انتظامی کمیٹی نے بتایا کہ حضرت سیدشاہ یعقوب بخاری قادریؒ کا سالانہ عرس شریف نہایت سادگی کے ساتھ منایا جائے گا۔ 22 اکتوبر کو صندل مبارک بعد نماز عشاء بمقام درگاہ حضرت محبوب سبحانی سے برآمد ہوکر درگاہ شریف پہنچے گا۔
حضرت سید شاہ یعقوب بخاری قادریؒ کا 559 واں سالانہ عرس
23 اکتوبر کو جشنِ چراغاں بعد نماز مغرب غلاف مبارک و چادر گل پیش کیے جائیں گے۔ سلام و فاتحہ ہوگی۔ 24 اکتوبر کو بعد نماز فجر قرآن خوانی درود سلام و فاتحہ اور تقسیم تبرکات عمل میں آئیں گے۔
انہوں نے کہا کہ کورونا سے محفوظ رہنے کے لیے حکومت نے زیادہ سے زیادہ لوگوں کو ایک جگہ جمع ہونے پر پابندی عائد کی ہے۔ تمام تقاریب عرس انتظامی کمیٹی و علمائے کرام کے ذریعہ انجام دی جائیں گی۔ لہٰذا تمام معتقدین سے گزارش ہے کہ صندل اور عرس کے دنوں میں اپنے گھروں میں ہی فاتحہ خوانی کریں۔
