ریاست کرناٹک کے ضلع یادگیر کے قاضی اور رابطہ ملت کمیٹی کے صدر امتیاز الدین صدیقی نے ای ٹی وی بھارت سے بات چیت میں کہا کہ محرم الحرام اسلامی ہجری کیلنڈر کے مطابق سال کا پہلا مہینہ ہے-
انہوں نے کہا کہ قرآن مجید اور احادیث مبارکہ سے یہ بات ثابت ہوتی ہے کہ شہادت اللہ تعالی کی عظیم نعمت ہے۔
انہوں نے کہا کہ تاریخ اسلام میں بہت سے شہداء کا ذکر ملتا ہے۔ جنہوں نے اعلا ء کلمتہ اللہ کی خاطر اپنی جان جان آفریں کے حوالہ کردی۔ مگر شہادت امام حسین رضی اللہ عنہ کی شہادت کو جو شہرت حاصل ہوئی کسی اور کی شہادت کو وہ مقام حاصل نہیں ہوا۔
ماہ محرم الحرام دیگر مہینوں کی مناسبت میں نہایت فضیلت اورعظمت والا مہینہ ہے۔ کیونکہ اسی ماہ کے 10 تاریخ کو حضرت امام حسین رضی اللہ تعالی عنہ کی شہادت ہوئی۔
قاضی امتیاز الدین صدیقی نے مزید کہا کہ حضرت امام حسین نے اسلام کی سربلندی کی خاطر جدوجہد کا عملی نمونہ پیش کیا اور ظلم و بربریت کے خلاف بر سرپیکار رہے ۔
انہوں مزید کہا کہ آج ضرورت اس بات کی ہے کہ ہم اپنی زندگی اسلامی تعلیمات کے مطابق بسر کریں۔اور دین اسلام کی سربلند ی کے خاطر جان مال اور ہر طرح کی قربانی کے لیے تیار رہیں ۔
مزید پڑھیں:حضرت امام حسینؓ کی شہادت سبق آموز ہے: مولانا عالم قاسمی
انہوں نے کہا کہ حضرت امام حسین نے آخری سانس تک قرآن کی تلاوت اور نماز کونہیں چھوڑا ۔اور آنے والے لوگوں کو یہ پیغام دیا کہ قرآنی احکام پر عمل کرتے ہوے زندگی بسر کرنا ہی مومن کی زندگی کا مقصد ہے
