ریاست کرناٹک کے ضلع یادگیر کی ڈپٹی کمشنر ڈاکٹر راگاپریا نے محکمہ صحت کے دفتر کا دورہ کیا۔
اس موقع پر انہوں نے محکمہ صحت اور خاندانی بہبود کے عہدے داروں بات کرتے ہوئے کہا کہ سرکاری کوویڈ اسپتال میں یونٹ کی پائپ لائن کو آکسیجن سپلائی سے منسلک کریں تاکہ ضلع میں آکسیجن کی کمی نہ ہو۔
ساتھ میں مریضوں کے بستر سمیت دیگر سہولیات کا خیال رکھیں۔ڈپٹی کمشنر نے ضلع میں دواؤں اور کووڈ ویکسین کی فراہمی اور دیگر مسائل پر بھی تبادلہ خیال کیا۔
اس موقع پر ڈسٹرکٹ ہیلتھ اینڈ فیملی ویلفیئر آفیسر ڈاکٹر اندومتی، ڈسٹرکٹ سرجن ڈاکٹر سنجیو کمار، ڈسٹرکٹ لیپروسی کنٹرولر ڈاکٹر بھگونت کے علاوہ محکمہ صحت اور خاندانی بہبود کے عہدے داران موجود تھے.
