کرناٹک میں ضلع یادگیر کے ڈپٹی کمشنر ڈاکٹر راگاپریا نے کلیان کرناٹک ریجن ڈیولپمنٹ بورڈ کے تحت کیے جارہے ترقیاتی کاموں کا گزشتہ روز جائزہ لیا۔
اس دوران انہوں نے ایک اجلاس سے خطاب کرتے ہوئے کہا کہ 'ضلع یادگیر میں کوویڈ کے معاملے میں مزید کمی آئی ہے، اس کے سبب لاک ڈاؤن میں رعایت دی گئی ہے۔ اس کے پیش نظر عہدداروں کو چاہیے کہ وہ ترقیاتی کاموں کی تکمیل پر خصوصی توجہ دیں۔
انہوں نے اعلی عہدیداروں کو تاکید کرتے ہوئے کہا کہ 'کلیان کرناٹک ریجن ڈویلپمنٹ بورڈ یادگیر کی جانب سے ضلع میں ترقیاتی کاموں کے لیے جو فنڈ جاری کیے گئے ہیں۔ اس کا صحیح استعمال کرتے ہوئے سبھی ترقیاتی پروجیکٹ کے کاموں کو مقرر کی گئی مدت میں مکمل کر لیے جائیں۔
