یادگیر: بس ڈرائیورز کے لیے کورونا ٹیسٹ لازمی

ضلع یادگیر میں کرناٹک روڈ ٹرانسپورٹ کارپوریشن کے تحت چلائی جانے والی سبھی بسوں کے ڈرائیور اور کنڈکٹرس کے لیے کوویڈ ٹیسٹ کو لازمی قرار دیا گیا ہے جس کے چلتے محکمہ صحت کی جانب سے بس ڈپو میں کویڈ ٹسٹنگ کیمپ لگایا گیا ہے۔

یادگیر بس ڈپو پر محکمہ صحت کی جانب سے لگائے گئے کویڈ ٹسٹنگ کیمپ میں ڈرائیورس اور کنڈکٹرس نے اپنا ٹسٹ کروایا۔ ڈپو مینیجر نے صرف منفی رپورٹ آنے پر ہی ڈیوٹی پر جانے کی ہدایت دی ہے۔ اس موقع پر محکمہ صحت کے ڈاٹا انٹری آپریٹر محمد عرفان نے بتایا کہ بس ڈرائیورس، کنڈکٹرس اور دیگر اسٹاف کو ریپڈ ٹیسٹنگ اور آر ٹی پی سی ٹیسٹنگ کرنے کی ہدایت دی گئی ہے۔

عرفان نے مزید کہا کہ کوویڈ ٹیسٹنگ رپورٹ پانچ سے دس منٹ میں موبائل فون پر بھیجی جارہی ہے۔ انہوں نے کہا کہ بس ڈپو میں 40 افراد کا ٹسٹ کیا گیا جن میں سے صرف ایک ورکر کا کورونا ٹسٹ مثبت پایا گیا جس کے بعد اسے آئسولیشن میں چلے جانے کی ہدایت دی گئی۔