ریاست کرناٹک کے ضلع یادگیر کے آر وی اسکول میں ایک پریس کانفرنس کا انعقاد عمل میں آیا۔ اس موقع پر ویر بھدراپا دیورکل فاؤنڈیشن یادگیر کے سکریٹری دیور کل نے میڈیا سے بات کرتے ہوئے کہا کہ ویر بھدراپا دیور کل فاؤنڈیشن کے تحت طلبا و طالبات کے لئےمفت تربیتی مرکز کا قیام عمل میں لایا جا رہا ہے۔
انہوں نے کہا کہ یہ مفت تربیتی مرکز کا افتتاح 30 نومبر کو صبح گیارہ بجے عمل میں آئے گا۔ جس میں شہر کے معزز احباب، تعلیمی اداروں کے ذمہ داران وہ سیاسی قائدین مہمان خصوصی کے طور پر شرکت کریں گے۔
انہوں نے مزید کہا کہ اس مفت تربیتی مرکز میں طلبا و طالبات کے لئے آئی اے ایس، محکمہ ریلوے، محکمہ پولیس، چارٹرڈ اکاؤنٹنٹ، بینکنگ اور دیگر محکمہ جات کے امتحانات کی تیاری کے لیے ماہرین کی نگرانی میں طلبا و طالبات کو مفت تربیت دی جائے گی۔
انہوں نے کہا کہ باہر سے آنے والے طلبا و طالبات کے لئے رہنے کی سہولت بھی مہیا کی جائے گی۔ یہ ساری سہولتیں ہم اپنے ٹرسٹ کی جانب سے کر رہے ہیں اس میں کوئی سرکاری امداد نہیں ہے۔
ہم چاہتے ہیں کہ ہمارے ضلع میں تعلیم حاصل کرنے والے طلبا و طالبات سرکاری محکمہ جات کے امتحانات کے لئے تیار رہیں تاکہ وہ اپنی پسند کے محکمہ جات میں امتحانات لکھ کر نوکری حاصل کر سکیں۔
