کرناٹک کے ضلع بیدر کے وزڈم کالج میں سو منتخب طلبہ کو پچاس فیصد رعایت کے ساتھ قیام و طعام اور نیٹ کی مفت کوچنگ دی جائے گی۔ Free Coaching in Wisdom College
وزڈم انسٹی ٹیوشنز بیدر نے مفت کوچنگ کا اعلان کیا
محمد صلاح الدین فرحان جائنٹ سیکرٹری وزڈم انسٹی ٹیوشنز بیدر نے ای ٹی وی بھارت سے بات کرتے ہوئے کہا کہ مستحق طلباء کیلئے میڈیکل اور انجینئرنگ کے خواہشمند طلباء و طالبات کے لیے خصوصی گروپ بنام وزڈم ٹیلنٹ گروپ Wisdom Talent Group تشکیل دیا گیا ہے۔
اس گروپ میں داخلہ انٹرنس ٹیسٹ کے ذریعہ دیا جائے گا۔90 فیصد یا اس سے زائد نمبرات حاصل کرنے والے سو منتخب طلبا کو 50 فیصد رعایت کے ساتھ بلا لحاظ مذہب و ملت قیام و طعام اور NEET /jEE اسٹیڈی میٹریل دو سال کے لئے مفت کوچنگ دی جائے گی۔
انہوں نے کہا کہ وزڈم کالج بیدر نے سال 2022'23 کے لیے دو کروڑ روپے ذہین اور مستحق طلبہ پر خرچ کرنے کا فیصلہ کیا ہے۔
