کرناٹک گرام پنچایت انتخابات میں ویلفیئر پارٹی آف انڈیا کے تائیدادی امیدوار جنہوں نے کامیابی حاصل کی، کے لیے ایک روزہ ورکشاپ کا اہتمام کیا گیا اور ویلفیئر پارٹی کی جانب سے ان کا خیرمقدم بھی کیا گیا۔
ویلفیئر پارٹی کی جانب سے گرام پنچایت ارکان کےلیے ورکشاپ کا انعقاد
صدر ویلفیئر پارٹی ایڈوکیٹ طاہر حسین نے ورکشاپ کے مقاصد بتاتے ہوئے کہا کہ گرام پنچایت ارکان کو ان کی ذمہ داریوں سے واقف کروایا گیا اور حکومت کی اسکیمات کو زمینی سطح پر نفاذ کے طریقوں سے متعلق معلومات فراہم کی گئیں۔ ان پر عوام کی توقعات کو پورا کرنے پر زور دیا گیا۔
ویلفیئر پارٹی خواتین ونگ کی صدر طلعت یاسمین نے بتایا کہ ’ان گرام پنچایت ارکان کی خدمات کے ذریعے متعلقہ گرام پنچایتوں کو ماڈل کے طور پر ترقی دینے کےلیے کوشاں ہیں‘۔
ورکشاپ میں تجربے کار کونسلرز کو بھی مدعو کیا گیا تھا تاکہ نئے گرام پنچایت ارکان کو تربیت دی جاسکے۔
