کرناٹک پنچایت انتخابات کے لیے ویلفیئر پارٹی کی تیاریاں شروع

کرناٹک میں کورونا وائرس کے کیسز میں کمی کے ساتھ سیاسی پارٹیاں ضلع و تعلقہ پنچایت کے انتخابات کی تیاریاں شروع کردی ہیں۔ امید کی جارہی ہے کہ کرناٹک الیکشن کمیشن کی جانب سے رواں برس ماہ دسمبر میں انتخابات منعقد کرائے جائیں۔

مذکورہ انتخابات کے پیش نظر کانگریس،بی جے پی کے علاوہ ایس ڈی پی آئی اور ویلفیئر پارٹی کی جانب سے بھی زمینی سطح پر انتخابات کی تیاریاں شروع کردی گئی ہیں۔

اس سلسلے میں ویلفیئر پارٹی کرناٹک کے صدر ایڈووکیٹ طاہر حسین نے بتایا کہ ان کی پارٹی اپنے کیڈرس کو متحرک کرنے اور پارٹی کو بوتھ سطح پر مستحکم کرنے کے لیے منصوبہ سازی کر رہی ہے۔

ایڈووکیٹ طاہر حسین نے کہا کہ اس سلسلے میں ان کی پارٹی کے اجلاس منعقد کر رہی ہے۔

انہوں نے مزید کہا کہ ریاست کے تقریباً 25 اضلاع میں پارٹی کی جانب سے انتخابات میں حصہ لینے کا فیصلہ کیا گیا ہے.