اس جلسہ میں تعمیر ملت ضلع گلبرگہ کے صدر عبدالجبار گولہ ایڈوکیٹ، سینئر صحافی عزیز اللہ سرمست اور مقامی علمائے اکرام نے شرکت کی ۔
مجلس تعمیر ملت کی جانب سے جلسہ استقبال رمضان
اس موقع پر تعمیر ملت کے صدر عبدالجبار گولہ ایڈوکیٹ نے کہا کہ قرآن مجید کے خلاف غلط فہمی پھیلانے والے کئی آئے اور گئے ۔لیکن کوئی بھی اللہ کی اس مقدس کتاب کا ایک زیر زبر تک تبدیل نہیں کر سکا۔آج سپریم کورٹ نے وسیم رضوی کے خلاف ہی جرمانہ عائد کردیا۔
انہوں نے کہا کہ اللہ نے اس کتاب کو نازل کیا اور اللہ خود ہی اس مقدس کتاب محافظ ہے۔ انہوں نے عبادات کی ادائیگی کے ساتھ قرآن مجید کو ترجمہ کے ساتھ پڑھنے اور قرآن مجید کے مطابق زندگی گزارنے پر زور دیا ۔وہیں رمضان المبارک کے مہینے میں ہر اتوار کو قرآنی مذاکرہ منعقد کیا جارہا ہے، جس میں علماء اور دانشوران مختلف قرآنی موضوعات پر اظہار خیال کریں گے۔
