ماہ شعبان کے فضائل و برکات

قمری مہینے کا آٹھواں مہینہ شعبان ہے، اس ماہ کو رجب اور رمضان کے مابین ہونے کی وجہ سے اسے شعبان کہا جاتا ہے۔

ماہ شعبان کی فضیلت سے متعلق مولانا صادق حسن نظامی خطیب و امام مسجد چوک یادگیر نے تمام امت مسلمہ کو ماہ شعبان کی مبارکباد دیتے ہوئے کہا کہ' اللہ کے رسول صلی اللہ علیہ وسلم نے ارشاد فرمایا کہ شعبان میرا مہینہ ہے'۔

انہوں نے کہا کہ' اللہ کے رسول صلی اللہ علیہ وسلم نے اس ماہ کی فضیلت بتاتے ہوئے اس ماہ کو اپنی طرف نسبت کرکے اس ماہ کی فضیلت میں اضافہ کر دیا ہے'۔

انہوں نے کہا کہ ماہ شعبان میں تمام صحابہ کرام اپنے اپنے کاموں کو پورا کرتے تھے تاکہ رمضان المبارک میں بھرپور عبادت کرسکیں۔

مولانا صادق نظامی نے کہا کہ' اللہ کے رسول صلی اللہ علیہ وسلم شعبان کے مہینے میں روزہ رکھا کرتے تھے'۔

انہوں نے کہا کہ' اس ماہ میں شب برات بھی آتی ہے جو کافی اہمیت والی رات ہے'۔