ضلع یادگیر میں والمیکی سماج کے لوگوں نے احتجاج کیا گیا، چار دن قبل چند شرپسند عناصر کی جانب سے فیس بک پر گرو والمیکی کی ناقابل قبول تصویر پوسٹ کرنے پر احتجاج کیا۔
اس احتجاج کی قیادت مری اپا نائیک کر رہے تھے۔اس موقع پر وشواناتھ نائیک نے کہا کہ گرو والمیکی کی تصویرکو غیر شائستہ طریقے سے پوسٹ کیا گیا ہے۔اور یہ پوسٹ باگلکوٹ اور بیجاپور کے شرپسند لڑکوں نے کیا ہے،
انہوں نے مزید کہا ہے کہ ان لڑکوں کے خلاف معاملہ درج کیا گیا ہے لیکن چار دن کا وقت گزرنے کے بعد بھی ان لڑکوں کو گرفتار نہیں کیا گیا ہے۔اور آج ہمارے احتجاج کرنے کی وجہ یہی ہے کہ ان شر پسند عناصر کو جلد سے جلد گرفتار کیا جائے
کرشنا نائیک نے کہا کہ فیس بک پر غلط فوٹوز پوسٹ کرنے سے سماج میں افراتفری کا ماحول پھیلتا ہے ایک دوسرے کے مذاہب کے لیے سماج میں نفرت پیدا ہوتی ہے۔اس لئے حکومت کو چاہیے کہ ایسے نفرت پھیلانے والے لوگوں کے خلاف سخت کارروائی کی جائے
