گلبرگہ میں مزدور یونین کا احتجاج

کرناٹک کے گلبرگہ میں مزدور یونین اور ڈی ایچ ایس تنظیم کی جانب سے ضلع ڈپٹی کمشنر آفس کے روبرو احتجاجی مظاہرہ کیا گیا۔

گلبرگہ میں ڈپٹی کمشنر آفس کے روبرو مزدور یونین اور ڈی ایچ ایس کی جانب سے احتجاجی مظاہرہ کیا گیا۔ اس موقع پر مزدور یونین کے رکن بھیم شٹی نے کہا کہ مہاتما گاندھی طمانیت دیہی روزگار اسکیم کے تحت دیہاتوں میں مزدوروں کو کام دیا جاتا ہے، جس سے کئی غریب افراد کو روزگار ملتا ہے۔

انہوں نے کہا کہ ان مزدوروں کے ساتھ ناانصافی کی جارہی ہے۔ گرام پنچایت کے ارکان کی جانب سے غریب مزدوروں کی حق تلفی کی جارہی ہے۔ ان مزدوروں کو کام دینے کے بجائے مشینوں کے ذریعے کام کیا جارہا ہے۔ مزدوروں کے نام پر جعلی بل بنانے کی کوشش کی جارہی ہے۔

بھیم شٹی نے مزدوروں کے ساتھ انصاف کرنے کا کا مطالبہ کیا۔ انہوں نے مہاتما گاندھی طمانیت دیہی روزگار اسکیم کے تحت مزدوروں کو مناسب روزگار فراہم کرنے اور مزدوری میں اضافہ کرنے کا مطالبہ کیا۔ انہوں نے مزدوروں کےلیے خصوصی پیاکیج کے اعلان کا بھی مطالبہ کیا۔