ان طلبا میں بیشتر پیشہ ور افراد تھے، جنہوں نے خدمت خلق کے جذبے کے ساتھ اس کورس میں داخلہ لیا تھا۔ اس موقع پر ڈائس پرموجود دانشوران و اہم شخصیات نے اس بات پر زور دیا کہ موجودہ دور میں پسماندہ طبقات کا شخصیت سازی سے متعلق علم حاصل کرنا ایک اہم ترین ضرورت ہے۔'
اسناد کو حاصل کرنے پر ٹرینرز نے ای ٹی وی بھارت کو بتایا کہ وہ آنے والے دنوں میں ایک منصوبے کے ساتھ منظم طریقہ و جدول کے ساتھ کمزور طبقات کو اسکولوں، کالجوں و کچے علاقوں، وغیرہ میں پہنچ کر انہیں شخصیت سازی کے مختلف تعلیمات سے آراستہ کریں گے۔
اب ان ٹرینرز کے لئے خاص طور پر "گراس ٹاپ" نامی پلیٹ فارم بنایا گیا ہے، جو ایسے ٹرینرز کا ایک نیٹورک ہوگا اور یہ ٹرینرز شخصی ارتقاء کے چند اہم موضوعات جیسے، ٹائم مینیجمینٹ، گول سیٹینگس، وگیگر موضوعات پر ورکشاپز کا انعقاد کیا جائیگا، اور ان تمام نوجوانوں کو مختلف صلاحیتوں سے آراستہ کیا جائیگا کہ اس سے نہ صرف ان کی زندگی میں سدھار آئیگا بلکہ ملک کی ترقی میں بھی مددگار ثابت ہوگا۔
