مہاراشٹرسے گلبرگہ آنے والوں کیلئے کورونا کی منفی رپورٹ لازمی

مہاراشٹر میں گزشتہ ایک ہفتہ سے کووڈ کے معاملات میں اضافہ کے پیش نظر وہاں سے گلبرگہ ضلع آنے والے لوگوں کو لازمی طور پر گذشتہ 72 گھنٹوں کے دوران حاصل کردہ کووڈ-19 کی منفی رپورٹ دکھانا لازمی ہوگا۔

گلبرگہ کی ڈپٹی کمشنر وی وی جیوتسینا نے ایک ہدایت نامہ جاری کر کے بتایا ہے کہ مہاراشٹر، کیرلہ سمیت چند ریاستوں میں کووڈ-19 کے کیسز میں اضافہ ہو رہا ہے۔

حالات کے پیش نظر احتیاطی اقدامات کیے جارہے ہیں۔ اگر کووڈ-19 کی منفی رپورٹ نہ پیش کی گئی تو ضلع میں داخلہ نہیں دیا جائے گا۔

ضلع کے سرحدی علاقوں میں ہائی الرٹ جاری کر دیا گیا ہے۔ جانچ کے لئے الند تعلقہ کے ہیرول کھجوری، نمبال، افضل پور دیہاتوں میں چیک پوسٹ قائم کرنے کی ہدایت دی گئی ہے۔