ریاست کرناٹک کے ضلع یادگیر کے بلدی حلقہ نمبر پانچ علاقے میں سابق چیئرمین کماری للیتا نپور نے کھانے کے پیکٹس تقسیم کرنے کے بعد ای ٹی وی بھارت سے گفتگو کرتے ہوئے کہا کہ 'مدد کے کاموں میں کوئی امتیاز نہ کیا جائے بس یہ خیال اور جذبہ ہو کہ آپ ایک ضرورت مند انسان کی مدد کر رہے ہیں کیونکہ بھوک کا کوئی مذہب نہیں ہوتا۔
انہوں نے کہا کہ 'کورونا وائرس جیسی وبا سے لوگوں کو مشکل ترین حالات کا سامنا ہے، ہمارا ملک سخت آزمائش سے گزر رہا ہے۔ انہوں نے مزید کہا کہ 'کورونا کے خلاف لڑائی اگر متحد ہوکر لڑی جائے تو میں ہم کامیابی ضرور حاصل کریں گے۔
کماری للیتا نپور نے کہا کہ 'لوگوں کو چاہیے کہ وہ غریبوں کی مدد کریں۔ لاک ڈاؤن اور سماجی فاصلے پر سختی سے عمل کریں کورونا کے خلاف حکومت کا بھرپور تعاون کریں۔
