عرضی گزار باغی اراکین اسمبلی۔کرناٹک پرجونت جنتا پارٹی کے آر شنکر اور آزاد ایچ ناگیش کی طرف سے سینیئر وکیل مکل روہتگی نے چیف جسٹس رنجن گگوئی کی صدارت والی بنچ کے سامنے معاملہ کا خاص طورپر ذکر کیا اور فوری سماعت کی درخواست کی، لیکن عدالت نے کہا کہ وہ عرضی پر آج سماعت نہیں کرسکتی۔
اس کے بعد روہتگی نے عدالت عظمی سے درخواست کی کہ وہ انکی عرضی پر کل سماعت کرئے۔ عدالت نے منگل کو سماعت پر غور کرنے کا فیصلہ کیا ہیں اور جسٹس گوگوئی نے کہا کہ وہ اسے کل دیکھیں گے، نا کہ آج۔
دونوں اراکین اسمبلی نے اسمبلی اسپیکر کو آج شام پانچ بجے تک تحریک اعتماد کا عمل مکمل کرانے کی ہدایت دینے کی عدالت سے درخواست کی ہے۔
عرضی گزاروں کا کہنا ہے کہ سنیچر کی شام چھ بجے تک تحریک اعتماد کا عمل مکمل کرنے کی گورنر کی ہدایت کے باوجود ایسا نہیں کرایا گیا اور آج تک کے لئے ایوان کی کارروائی ملتوی کردی گئی تھی۔
عرضی گزاروں نے یہ بھی کہا کہ ریاستی اسمبلی میں تعطل کی آڑ میں ایچ ڈی کمارسوامی کی قیادت والی اقلیتی حکومت نے پولیس حکام اور آئی ایس حکام کے تبادلوں کے سمیت کئی ایکزیکیوٹیو فیصلے کئے ہیں۔
