بنگلور: اس موقع پر کانگریس رہنما اور حقوق کارکن مہروز خان نے کہا کہ 26 جنوری کو یوم جمہوریہ کے موقع پر نوجوان شاعروں، فنکاروں، سماجی کارکنوں، سماجی مفکرین پر مشتمل ایک سماجی تنظیم، سوہاردھا بھارت فاؤنڈیشن کی جانب سے ایک 'سوہردھا سمبھرم' کا انعقاد کیا گیا ہے۔ مہروز نے کہا، اس کا مقصد نوجوانوں پر زیادہ توجہ مرکوز کرتے ہوئے کرناٹک بھر میں تنوع کا جشن منانا ہے۔
سوہردھا سمبھرمہ 26 جنوری کو صبح 9:00 بجے سے شام 6:00 بجے تک چترکلا پریشد کمارکرپا روڈ، بنگلورو میں پورے دن کی سرگرمی کا انعقاد کیا جائے گا۔ پرچم کشائی کے فوراً بعد ’’ہندوستان کا تنوع اور آئیڈیا‘‘ کے عنوان سے ایک مباحثے کا اہتمام کیا جائے گا۔ انہوں نے دہلی سے تعلق رکھنے والے ممتاز حقوق کارکنوں اور صحافیوں شبنم ہاشمی کے نام بتائے، آؤٹ لک کی سابق ایڈیٹر صبا نقوی پروگرام میں شرکت کریں گی۔
معروف تاریخ داں پروفیسر مردولا مکھرجی بھی اس تقریب میں شرکت کریں گی۔اس موقع پر دیگر اہم مہمان خصوصی ہوں گے جو سابق جج سپریم کورٹ جسٹس گوپالا گوڑا، سابق آئی اے ایس ششی کانت سینتھل، چترکلا پریشد کے چیئرمین بی ایل شنکر، کانگریس لیڈر ستیش جارکی ہولی، دنیش گنڈوراو، اکائی پدمشالی، نامور مصنف بارگورو رام چندرپا پروگرام میں شرکت کریں گے۔ مہروز خان نے کہا کہ اس کا مقصد نوجوانوں اور طلباء میں تنوع کا پیغام دینا ہے۔ ہندوستان کے تنوع کے بارے میں نوجوانوں کو مشغول کرنے اور ان کی حوصلہ افزائی کے لئے اس پروگرام میں بہت ساری سرگرمیاں ہوں گی۔ بچے اور نوجوان کرناٹک کے مختلف اضلاع کی ثقافت کا مظاہرہ کریں گے جہاں سے وہ آئے ہیں، متعلقہ لباس پہن کر اپنی ثقافتوں کی نمائش کریں گے۔
یہ بھی پڑھیں:Bidar Voters Day programme بیدر میں قومی ووٹر ڈے پر پروگرام
ان کاکہنا ہے کہ ان کی تنظیم سودھردھا بھارت فاؤنڈیشن ایک طویل عرصے سے آئینی اقدار کو برقرار رکھنے اور معاشرے میں فرقہ وارانہ ہم آہنگی کو فروغ دینے کے لئے مختلف پروگراموں کا اہتمام کر رہی ہے۔لوگوں کو آئینی حقوق سے متعلق بیداری ضروری ہے۔اس کے لئے ہم ریاستی سطح پر پروگرامز منعقد کریں گے۔
