بنگلورو: ریاست کرناٹک میں ہونے والے اسمبلی انتخابات کی تیاریاں زور شور سے جاری ہیں۔ سیاسی سرگرمیاں بھی عروج پر پہنچ کر چکی ہیں۔ حکمراں جماعت بی جے پی کے ساتھ ساتھ تمام اپوزیشن جماعتوں نے اسمبلی انتخابات کے لئے کمر کر لی ہے۔ اسی درمیان سوشیل ڈیموکریٹک پارٹی کرناٹک (ایس ڈی پی آئی) کی جانب سے ریاست میں آنے والے انتخابات کے لیے 9 امیدواروں کی دوسری فہرست جاری کی گئی۔ ایس ڈی پی آئی کی یہ دوسری فہرست ہے۔
میڈیا سے خطاب کرتے ہوئے پارٹی کے قومی صدر ایم کے فیضی نے کہا کہ ایس ڈی پی آئی اپنی طاقت اور عوامی حمایت کی بنیاد پر انتخابی میدان میں اتری ہے۔ سماجی انصاف کے قیام کے لئے جدوجہد کریں گے اور بدعنوانی کا خاتمے اور ریاست کی غریب عوام کی ترقی ان کے اہم ایجنڈے ہوں گے۔ انہوں نے کہاکہ مڈیکیری سے ایڈووکیٹ امین محسن، رائچور حلقے سے سید اشحاق حسین (خالد)، تیرڈال حلقے سے یمونپا گنادال، موڈیگیرے حلقے سے انگڈی چندرو، وجے پور حلقے سے عطاء اللہ دراکھی، منگلور (اولال) حلقے سے ریاض فرنگی پیٹے، گلبرگہ نارتھ حلقے سے رحیم پٹیل، پتور حلقے سے شافی بلارے، ہبلی ایسٹ حلقے سے ڈاکٹر وجے ایم. گنترال آنے والے ریاستی انتخابات میں حصہ لیں گے۔
غور طلب بات یہ ہے کہ اسی ڈی پی آئی نے بی جے پی لیڑر پروین نیتار کے قتل کیس میں ملزم شافی بلارے کو پتور حلقے سے الیکشن ٹکیٹ دینے کا اعلان کیا ہے۔اس کی وضاحت میں فیضی نے کہا کہ شافی بلارے پر جھوٹا مقدمہ دائر کیا گیا ہے جس کا معاملہ کورٹ میں زیر سماعت ہے۔ یاد رہے کہ کرناٹک میں اپریل یا مئی کے مہینے میں اسمبلی انتخابات منعقد کئے جانے ہیں جس کے پیش نظر ایس ڈی پی آئی کی 9 امیدواروں پر مشتمل دوسری فہرست جاری کی گئی ہے۔
یہ بھی پڑھیں:Randeep Surjewala کرناٹک میں کانگریس دوبارہ اقتدارمیں آئے گی
واضح ہے کہ چند مہینوں قبل بی جے پی کے لیڑر پروین نیتار کا قتل کیا گیا تھا جس کے کیس میں متعدد افراد کو ملزم بنایا گیا جن میں ایس ڈی پی آئی کے رہنما شافی بلارے بھی ایک ہیں۔وہ فی الحال این آئی اے کی حراست میں ہیں۔ ایس. ڈی. پی.آئی نے شافی بلاری کو پتور اسمبلی حلقے سے انتخابات لڑنے کے لئے ٹکیٹ دینے کا اعلان کیا ہے
