بنگلور کے معروف تاجر ڈاکٹر بومنانہ ہلی بابو نے مستحق غریب طلبا کو لاء کی پڑھائی کےلیے اسکالرشپ دینے کا اعلان کیا۔ انہوں نے کہا کہ ’عدلیہ میں اقلیتوں کی نمائندگی نہ کے برابر ہے اور عدلیہ میں مسلمانوں کی نمائندگی کو بڑھانا میرا خواب ہے جبکہ اس کمی کو دور کرنے کےلیے ایک پروجکٹ کے تحت مسلم طلبا کو اسکالرشپ کے ذریعہ مدد دی جائے گی‘۔
بنگلور: مسلم طلبا کو لا کی پڑھائی کےلیے اسکالرشپ کا اعلان
مذکورہ پروجیکٹ کی چیئرپرسن پروفیسر نازنین بیگم نے بتایا کہ ’ قابل وکلا نہ صرف مسلمانوں کے حقوق کا تحفظ کرسکتے ہیں بلکہ ملک کی سالمیت کے تحفظ کےلیے بھی نمایا رول ادا کرسکتے ہیں۔
اس موقع پر معروف وکیل محمد طاہر نے مسلم طلبا سے اپیل کی کہ وہ اسکالرشپ سے بھرپور فائدہ اٹھائیں اور کڑی محنت کے ذریعہ قوم و ملت کی خدمت کریں۔
