دھارواڑ ضلع کے اسسٹنٹ ڈپٹی کمشنر ابراھیم میگور نے ای ٹی وی بھارت کو بتایا کہ 25 کروڑ روپئے سے زائد رقم سیلاب متاثرین کے درمیان تقسیم کی جا رہی ہے۔
سیلاب متاثرین کے لیے امدادی کارروائی جاری
اگست ماہ میں سیلاب سے جن مکانات کو نقصان پہنچا تھا ان کی مرمت کےلئے ضلع میں 25 کروڑ 51 لاکھ روپیے تقسیم کیے گئے ہیں۔ اس میں اب تک 20 ہزار مکانات کو جزوی نقصان پہنچنے کی شکایت درج کرائی گئی ہے اور 5780 مکانات کی مرمت کےلئے رقم جاری کی گئی ہے.
اس میں 70 فیصد رقم ان مکانات کے لیے جاری کیے گئے ہیں جنہیں کافی نقصان پہنچا ہے۔ ان مکانات کی نشاندہی کی گئی ہے اور انہیں فی الوقت پانچ لاکھ روپیے، 25فیصد نقصانات والے مکان کو ایک لاکھ اور 15 سے 25 فیصد نقصانات والے مکان کے لئے پچس ہزار روپئے مختص کئے گئے ہیں۔
اس کی تمام تفصیلات جلد انٹرنیٹ پر ڈال دی جائے گی۔
