ریاست کرناٹک کے ضلع بِیدر میں راشٹریہ بھاؤیہ ایکتا منچ نے ایک پریس کانفرنس کا انعقاد عمل میں لایا۔ اس پریس کانفرنس میں 24 جنوری کو ہونے والے 'بھارت کی جمہوریت بچاؤ' نامی جلسہ کی تفصیلات فراہم کی گئی۔
اس موقع پر میڈیا سے خطاب کرتے ہوئے راشٹریہ بھاؤیہ ایکتا منچ کے کارگزار صدر سید وحید لکھن نے کہا کہ 24 جنوری دوپہر تین بجے بمقام امبیڈکر سرکل پر سی اے اے، این آر سی، اور ین پی ار مخالف ریلی کا انعقاد کیا جائے گا جس کا عنوان 'سی اے اے ہٹاؤ بھارت کی جمہوریت کو بچاؤ'ہے۔
انہوں نے کہا جلسہ میں ملک کے مشہور و معروف سیاسی و غیر سیاسی قائدین خطاب کریں گے۔
سید وحید لکھن نے مزید کہا کے سی اے اے، این آر سی اور این پی آر جیسے قوانین نے ہندوستانیوں کی زندگی اجیران بنادی ہے۔ انہوں نے کہا وزیراعظم نریندر مودی اور وزیر داخلہ امیت شاہ نے مزکورہ قوانین سے لوگوں کو خوف و افراتفری میں مبتلا کردیا ہے۔
انہوں نے کہا کہ ملک میں فسطائی طاقتوں کی من مانی کو ختم کرنے کے لیے سیکولر دانشور احباب کو آگے آنے کی ضرورت ہے۔ انہوں نے کہا اسی ضمن میں 24 جنوری کو یہ اجلاس منعقد کیا جارہا ہے تاکہ مُلک کے آئین کو بچایا جاسکیں۔
انہوں نے شہر بیدر کے سبھی مسلم، دلت اور پسماندہ طبقات وہ دیگر احباب سے اپیل کی ہے کہ وہ اس جلسہ میں شرکت کریں۔
اس موقع پر امیش کمار، سندیپ، راج رتن اور ملیکارجن کے علاوہ دیگر رہنما بھی موجود تھے۔
