ریاست کرناٹک کے ضلع یادگیر کے تعلقہ گرمٹکل میں جن سینا کی جانب سے گاندھی میدان سے تحصیل دفتر تک ریلی نکالی گئی۔
اترپردیش کے ہاتھرس میں دلت لڑکی کے ساتھ اجتماعی جنسی زیادتی کے خلاف یہ ریلی نکالی گئی۔ اس موقع پر کرناٹک جن سینا کے صدر جاگیردار نے میڈیا سے بات کرتے ہوئے کہا کہ 'ہم نے اترپردیش کے ہاتھرس میں پیش آئے شرمناک واقعے کے خلاف ایک میمورنڈم تحصیلدار گرمٹکل کو پیش کیا جس میں صدر جمہوریہ ہند سے یوگی آدتیہ ناتھ کی حکومت کو برخاست کرنے کا مطالبہ کیا گیا۔'
انھوں نے کہا کہ ہاتھرس معاملے میں پیش آئے واقعہ میں شامل قصورواروں کو بخشا نہ جائے، ان قصورواروں کو سخت سزا دی جائے۔
انھوں نے کہا کہ صدر جمہوریہ اس معاملے میں مداخلت کریں اور اترپردیش حکومت کو برخاست کرتے ہوئے وہاں صدر راج نافذ کیا جائے۔
انہوں نے کہا کہ اس قسم کے واقعات سے ملک میں لڑکیاں اور خواتین خود کو غیر محفوظ محسوس سمجھ رہی ہیں۔ اس موقع پر اشوک، مہیش، بابو، راگھویادو، کے علاوہ کرناٹک جن سینا تنظیم کے دیگر ذمہ داران موجود تھے۔
