ریاست کرناٹک کے ضلع بیدر کے تعلقہ بسواکلیان میں کانگریس پارٹی اور یوتھ کانگریس کی جانب سے پٹرول اور ڈیزل کی بڑھتی قیمتوں کو لے کر مرکزی حکومت کے خلاف احتجاج کیا گیا۔ یہ احتجاج شہر کے نورنگ پیٹرول پمپ کے سامنے کیا گیا۔
اس موقع پر تعلقہ کانگریس صدر نیل کنٹھ نے کہا کہ 'سارے ملک میں کورونا بیماری کی وجہ سے ہر شخص پریشان ہے اور لاک ڈاؤن کے سبب معاشی تباہی بڑھتی جا رہی ہے۔' لوگوں کو روزگار کی فکر ہے ساتھ ہی صحت کو لے کر بھی عوام میں کافی خوف کا ماحول ہے۔'
نیل کنٹھ نے مزید کہا کہ 'ایسے ماحول میں بی جے پی کی مرکزی اور ریاستی حکومتیں اپنی من مانی کرتے ہوئے غریب و پریشان حال عوام کو پریشان کرنے کا کام کر رہی ہے۔'
تعلقہ کانگریس صدر نیل کنٹھ نے کہا کہ 'ڈیزل اور پٹرول کی دن بدن بڑھتی قیمتیں اس بات کا اشارہ کرتی ہے کہ 'مرکزی و ریاستی حکومت کو عوام کی پریشانی بیروزگاری اور کورونا وبا سے کوئی مطلب نہیں ہے۔'
