کرناٹک کے ضلع یادگیر میں کسانوں کے حامی تنظیموں کی جانب سے شہر کے سبھاش چوک پر احتجاج کیا گیا۔
اس موقع پر کسان حامی تنظیموں کے ذمہ داران نے مرکزی حکومت کی جانب سے زرعی قوانین کو منسوخ کیے جانے کو کسانوں کی جیت بتایا۔
کسانوں کے دیگر مسائل کو حل کرنے کا مطالبہ
کرناٹک کسان سنگھ یادگیر کے سیکریٹری محمد جمال نے کہا کہ حکومت کسانوں کے دیگر مسائل پر بھی بات کرے اور اسے حل کرنے کی کوشش کرے۔
آل انڈیا یونائیٹڈ ٹریڈ یونین سنٹر یادگیر کے سکریٹری رام لنگپا نے کہا کہ زرعی قوانین کو منسوخ کرنے کے لئے جن کسانوں نے قربانی دی ہے، آج ہم ان کی قربانی کو یاد کرتے ہیں۔ تقریبا ایک سال تک مسلسل جدوجہد کرنے والے کسانوں نے اپنی جان کی بازی لگا کر زرعی قوانین کے خلاف اپنی زندگیوں کو قربان کیا ہے ان کسانوں کو 'ہم آل انڈیا ٹریڈیونین سنٹر یادگیر کی جانب سے سلام کرتے ہیں۔'
