مولانا نظام الدین برکاتی نے کہا کہ یہ راتیں ہماری بخشش اور مغفرت کے لئے آتی ہے۔ سال بھر ہماری سستی اور کاہلی کی وجہ سے عبادتیں ہم سے چھوٹ جاتی ہے۔
انہوں نے کہا کہ لاک ڈاؤن چل رہا ہے جس کی وجہ سے مساجد بند ہیں۔ اس لیے امت مسلمہ کے تمام لوگوں سے اپیل کرتا ہوں کہ وہ اپنے اپنے گھروں میں طاق راتوں کا خصوصی اہتمام کریں۔ نمازیں پڑھیں، دعا اذکار کریں اور کورونا کی وبا کی وجہ سے جو لوگ آج ہمارے درمیان نہیں ہیں ان کی مغفرت کی دعا کریں اور کورونا سے متاثر ہیں ان کی صحت یابی کے لیے دعا کریں اور ان پانچ طاق راتوں میں اس خصوصیت کے ساتھ کورونا وائرس کے خاتمے کے لیے اللہ رب العزت سے رو رو کر دعائیں مانگیں کیونکہ دعاؤں میں بہت اثر ہوتا ہے اور اب دعاؤں کی سخت ضرورت ہے۔
مولانا نظام الدین برکاتی نے اس موقع پر نوجوانوں سے خصوصی اپیل کرتے ہوئے کہا کہ شب قدر کے نام پر راتوں میں ادھر ادھر نہ گھومیں اورکوئی بھی غیر شرعی عمل نہ کریں۔
مزید پڑھیں:
خاص رپورٹ: قوالی کے ذریعہ روزہ داروں کو بیدار کرنے والا سحرخواں
کورونا کی وجہ سے حکومت کی جانب سے جو گائیڈ لائنز پر عمل کرنے کے لئے کہا گیا ہے اس پر سختی کے ساتھ عمل کریں۔ اپنے اپنے گھروں میں نمازیں پڑھیں اور گھروں سے باہر نکل کر بازاروں میں شور شرابہ نہ کریں۔
