'عزائم بلند ہوں تو کچھ بھی ممکن ہے'

معاشی مشکلات سے دوچار ہونے کے باوجود مسلسل کوشش اور شوق سے بالآخر اقرابانو نے ریاستی سطح پر پری- یونیورسٹی امتحانات میں 14واں مقام حاصل کیا۔

کہتے ہیں کہ گرحوصلے بلند ہوں تو انسان ہر مشکلات سے ٹکرا کر آگے کی راہ ڈھونڈ نکالتا ہے، ایسا ہی کچھ معاملہ اقراء بانو کا بھی ہے۔ جنہوں نے گھر کی مالی حالت بہترنہ ہونے کے باوجود مسلسل شوق ولگن سے پری - یونیورسٹی امتحانات یعنی ( 11-12) میں ریاست بھر میں 14 واں مقام حاصل کیا ہے۔

ریاست کرناٹک کے دارالحکومت بنگلور سے تعلق رکھنے والی اقرا بانو معاشی مشکلات سے دوچار ہونے کے باوجود انہوں نے کبھی ہمت نہ ہاری اور مسلسل کوشش کرتی رہیں اور بالآخر اقرا بانو نے ریاستی سطح پر پری-یونیورسٹی امتحانات میں 14 واں مقام حاصل کیا۔

اقرا بانو کی والدہ عائشہ بانو نے بتایا کہ' ہمارے معاشی حالات ایسے نہیں تھے کہ بچی کو تعلیم حاصل کراسکیں۔ لیکن ہماری کوششں جاری ہے کہ ہمارے بچے اعلیٰ تعلیم حاصل کرکے بلند مقام پر فائز ہوں تاکہ وہ سماج کی بہتر خدمت کرسکیں۔

اس موقع پر اقرا بانو کے والد نواز شریف نے بتایا کہ مسلم سماج میں اعلیٰ تعلیم کا کافی فقدان ہے جس کی وجہ سے ہم پسماندگی کا شکار ہیں، لہذا ملت کے بچوں میں حصول علم کے شوق جگانا اور اسے پروان چڑھانا ہم سبھی کی ذمہ داری ہے۔