کرناٹک میں لاک ڈاؤن کے باوجود کورونا متاثرین کی تعداد میں مسلسل اضافہ ہورہا ہے۔
گلبرگہ میں 14 جولائی سے لاک ڈاؤن نافذ ہے۔ لیکن یہاں گزشتہ چار دنوں میں 400 کورونا کے نئے کیسز سامنے آئے ہیں۔ 16 جولائی کو 123 اور 17 جولائی کو 89 نئے کیسز سامنے آئے ۔
گلبرگہ میں کورونا متاثرین کی کل تعداد 2593 ہوگئی ہے، اور اس مہلک وبا سے اب تک 38 افراد ہلاک ہوئے ہیں۔جب کہ 987 ایکٹیو کیسز ہیں۔
آج صبح گلبرگہ ضلع کمشنر کے ڈرائیور کی بھی کورونا رپورٹ مثبت موصول ہوئی ہے۔ اس لیے آج صبح بارہ بجے سے ہی پولیس سوپار ما رکیٹ، تمپا پور سرکل، جگت سرکل، گنج سر کل، دیگر مقامات پر گشت کر تی ہوئی نظر آئی۔اور بلا ضرورت باہر گھومنے والوں پر لاٹھی چارج کی۔
اس کے علاوہ ریاست میں کورونا متاثرین کی تعداد 55 ہزار115 ہوگئی ہے وہیں 1147 افراد ہلاک ہوگئے ہیں۔ 33 ہزار 205 ایکٹیو کیسز ہیں۔
کرناٹک میں سب سے زیادہ کورونا متاثرین بنگلور اربن میں ہیں۔ جہاں گزشتہ 24 گھنٹوں میں 2208 افراد کورونا سے متاثر ہوئے ہیں۔ ملک بھر میں کرناٹک اب کورونا متاثرین کی تعداد میں چوتھے نمبر پر دیکھا جارہا ہے۔ کرناٹک کے کئی اضلاع میں لاک ڈاؤن رہنے کے باوجود بھی کورونا متاثرین کی تعداد میں کمی نہیں دیکھی جارہی ہے۔
