کرناٹک حکومت نے ان لاک -3 میں لاک ڈاؤن میں نرمی کرتے ہوئے تمام کاروباریوں کو راحت دیتے ہوئے صبح 6 بجے سے رات 9 بجے تک کا وقت دیا ہے جس کے تحت دیگر دکانوں کے ساتھ ساتھ شادی خانوں کو بھی کھولنے کی اجازت دی گئی ہے۔
حکومت کے احکامات کے مطابق شادی بیاہ میں 100 لوگوں کی ہی شرکت کی اجازت دی گئی ہے حکومت کے اس اعلان کے ساتھ ہی 5 جولائی سے شادی خانوں میں پھر سے رونق آنے کی امید ہے۔
واضح رہے کہ کورونا وائرس کی وجہ سے لگائے گئے لاک ڈاؤن میں شادی خانوں کو بھی احتیاطی اقدامات کے طور پر بند کردیا گیا تھا۔ جس کی وجہ سے شادی خانوں سے جڑے ہزاروں کام کرنے والے احباب بے روزگار ہوگئے تھے۔
یہ بھی پڑھیں: کیمور:ان لاک 2 میں کورونا کے تئیں لوگوں کی لاپرواہی بڑھی
اب جب کہ 5 جولائی یعنی آج سے شادی بیاہ میں 100 لوگوں کو شرکت کرنے کی اجازت دی گئی ہے تو ممکن ہے شہر میں پھر سے شادی خانوں کے کاروبار میں اضافہ ہوگا۔
