کورونا وائرس بنی خواتین کاروباریوں کے لیے رحمت

عالمی وبا کورونا وائرس کے اس دور میں جہاں پوری دنیا کی اقتصادی صورتحال متاثر ہوئی ہے وہیں کچھ نئی کاروباری خاتون کے لیے یہ دور کسی رحمت سے کم نہیں۔

ریاست کرناٹک کے دارالحکومت بنگلور میں کورونا وائرس کی دہشت نے سارے ملک کو جھنجھوڑ کر رکھ دیا ہے اور زندگی کے تقریباً سبھی شعبے اس سے بری طرح سے متاثر ہوئے ہیں۔

اس وبا سے چھوٹے بڑے تمام کاروباری اور صنعت کار بری طرح سے متاثر ہوئے ہیں جس سے روزگار پر بھی برا اثر ہوا ہے اور ملک بھر کی معیشت تہس نہس ہوگئی ہے۔

وہیں دوسری جانب مہلک وبا و لاک ڈاؤن کے دوران شہر بنگلور کی چار خواتین کے لیے کووڈ-19 سے پیدا ہوئے حالات رحمت ثابت ہوئے ہیں۔

ان حالات میں انٹرنیٹ کے ذریعے ان خواتین کی ایڈورٹائزنگ ایجنسی کے کاموں میں زیادہ حرکت رہی جس کہ وجہ سے ان کے کاروبار نے کئی گنا ترقی کی۔

اس سلسلے میں بات کرتے ہوئے ایجنسی کی ذمہ دار حیاء کہتی ہیں کہ خواتین کو چاہیے کہ اس کانسیپٹ کو اپنائیں اور وقت و ٹیکنالوجی کا استعمال کرتے ہوئے نہ صرف اپنے گھر کو آمدنی سے تعاون کریں بلکہ دیگر خواتین کی بھی حوصلہ افزائی کریں، تا کہ وہ عورتیں اپنے اوقات کا زیادہ بہتر استعمال کرسکیں۔