کرناٹک میں یک روزہ خون عطیہ کیمپ

ریاست کرناٹک کے ضلع یادگیر میں ہر سال کی طرح رواں برس بھی نوجوان شہر یادگیر کی جانب سے عید میلاد النبی کے موقع پر یک روزہ خون عطیہ کیمپ کا اہتمام کیا جا رہا ہے۔

اس موقع پر ایک پریس کانفرنس کا انعقاد عمل میں آیا جس میں قمرالاسلام معاون رکن بلدیہ یادگیر نے میڈیا سے بات کرتے ہوئے کہا کہ خون اللہ تعالی کی ایک عظیم نعمت ہے ہم خون دے کر کسی کی جان بچا سکتے ہیں۔

انہوں نے شہر کے نوجوانوں سے اپیل کرتے ہوئے کہا کہ اپنا خون دے کر انسانیت کا ثبوت دیں۔ حیدر علی جاگیردار نے کہا کہ ہر برس کی طرح اس برس بھی ٹیپوسلطان چوک جیتے شاہ ولی درگاہ کے احاطے میں 30 اکتوبر بروز جمعہ کو ایک روزہ خون کا عطیہ کا انعقاد کیا جارہا ہے۔

حیدر علی نے کہا کہ میلاد کے موقع پر ہم اس سے بڑھ کر اور کیا کام کر سکتے ہیں کہ ہم لوگوں کی زندگی بچانے والی قیمتی شے خون کا عطیہ دے رہے ہیں اس لیے میں تمام نوجوانوں سے بلا مذہب ملت اپیل کرتا ہوں کہ جشن عید میلاد النبی کے روز خون کے عطیہ کیمپ میں اپنا خون کا عطیہ دے کر اس کیمپ کا حصہ بنے۔