فیکٹ چیکر محمد زبیر اور گجرات فسادات کے متاثرین کے انصاف کے لیے جدوجہد کر رہی ٹیسٹا سیٹلواڈ کو مختلف الزامات کے تحت جیل بھیجا گیا۔ زبیر اور ٹیسٹا کی گرفتاری کو پاپولر فرنٹ آف انڈیا کے جنرل سیکرٹری انیس احمد نے بی جے پی کی وینڈیٹا پالیٹکس قرار دیا۔ PFI Leader on Vendetta Politics
انہوں نے کہا کہ بی جے پی حکومت نے ان دونوں کو ٹارگیٹ کیا۔ زبیر کی جانب سے بی جے پی کے جھوٹے پروپیگنڈےکا پردہ فاش ہورہا تھا جب کہ ٹیسٹا گجرات کے مظلومین کے انصاف کے لئے جدوجہد کر رہی تھی۔ زبیر اور ٹیسٹا سچائی اور انصاف کے لیے جدوجہد میں مصروف رہے۔
اس سلسلے میں راجیہ سبھا کے رکن ایل ہنو منتئیہ نے کہا کہ گرفتاری نوپر شرما کی ہونی چاہیے تھی نہ کہ زبیر کی، L Hanumanthaiah on Vendetta Politics حالانکہ محمد زبیر کو سپریم کورٹ کی جانب سے ضمانت دے دی گئی ہے، تاہم انہوں نے کہا کہ وہ اس معاملے کو پارلیمنٹ میں اٹھائیں گے۔اس سلسلے میں انیس احمد نے کہا کہ پاپولر فرنٹ کو بھی ایک طویل عرصے سے ٹارگیٹ کیا جارہا ہے اور ٹیسٹا اور زبیر جیسے معاملات بھی نفرت کی سیاست کا نتیجہ ہے۔ انہوں کہا کہ اس کا حل ایک مضبوط عوامی تحریک ہے جہاں مسلسل جمہوری جدوجہد ہو کیونکہ تانا شاہی کی عمر لمبی نہیں ہوتی۔
