ریاستی حکومت نے محلہ سطح پر منعقدہ ہونے والے خطبات میں عوامی مقامات پر لاؤڈ اسپیکر کا استعمال اور 60 سال سے زائد عمر کے شہریوں اور 10 سال سے کم عمر کے بچوں کی شمولیت پر ممانعت کی ہے۔
محکمہ اقلیتی بہبود، حج اور وقف کی جانب سے جاری کردہ حکم کے مطابق، مسجد کے داخلی راستے پر سینیٹائزر اور ہاتھ دھونے کی سہولیات مہیا کی جائیں، مساجد میں سماجی فاصلہ برقرار رکھا جائے اور ماسک لازمی طور پر پہنا جائے اور ساتھ ہی یہ بھی ہدایت دی گئی ہے کہ اور پروگرامز میں شرکت کرنے والے تمام افراد کے نام، پتہ وغیرہ تفصیلات کو درج کیا جائے۔
حکومت کی جانب سے جاری کردہ مذکورہ ہدایات کے بعد شہر کے علماء کرام نے عوام الناس سے اپیل کی ہے کہ وہ مولود النبوی کے مبارک موقع پر سادگی سے خوشی منائیں، اپنے مساجد و گھروں ہی پر نوافل کا اہتمام کریں اور کورونا وائرس کی وباء کے پھیلاؤ کو روکیں۔
