شاہ پور میں محفل نعت کا انعقاد

ریاست کرناٹک کے ضلع یادگیر کے شاہ پور ٹاؤن کے ہلی سگر میں محفل نعت خوانی کا اہتمام کیا گیا۔

محفل نعت خوانی خانقاہ قادریہ شاہ پور کے زیر اہتمام الحاج سید جعفر ہلی سگر کے مکان میں منعقد ہوئی۔

اس محفل کی صدارت سید شاہ بابا فخرالدین سجادہ نشین بارگاہ اعظم بیگ شاہ پور نے کی۔ سید امیر الدین عرف سید بابا خلیفہ عثمان آباد نے اس محفل کی نگرانی کی ، جبکہ قاضی محمد طاہر قادری جنیدی، حافظ و قاری محمد فخرالدین خطیب و امام مسجد شیخ دکن کے علاوہ علمائے کرام مشائقین نے مہمان خصوصی کے طور پر شرکت کی۔ اس موقع پر حافظ قاری مولانا فخرالدین خطیب امام مسجد شیخ دکن نے اپنے خطاب میں کہا کہ ماہِ میلاد کا چاند نظر آنے کے پر مسرت موقع پر استقبال ماہ میلاد کے طور پر یہ نعتیہ محفل کا انعقاد عمل میں آیا ہے۔

محفل نعت کا آغاز عبدالحسیب کے قرات کلام پاک سے ہوا جب کہ محمد خواجہ میاں نے حمد باری تعالیٰ پیش کیا۔اس موقع پر مولانا فخرالدین کے علاوہ شاہ پور، شوراپور، یادگیر کے نعت خواں احباب نے نعتیہ کلام پیش کیا۔سید ابوبکر، سید مظہر احمد، سید نزیر، سید ضامن و دیگر منتظمین محفل میں شامل رہےاس نعتیہ محفل کی نظامت مولانا عبدالقدیر عطاری نے فرمائی۔