بنگلور: بھارتیہ ریاست منی پور میں میتی و کوکی کمیونٹیز کے درمیان تشدد جاری ہے، منی پور کے باشندوں کے مطابق سپریم کورٹ کی مرکزی بی جے پی حکومت پر پھٹکار کے باوجود امن کے قیام کے سلسلے میں کوئی پروگریس نہیں ہے۔ منی پور کے ان دردناک حالات سے برہم بنگلور کے دلت و مسلم سماجی کارکنان کی جانب سے شہر کے فریڈم پارک میں ایک متحدہ احتجاج منعقد کیا گیا۔ اس احتجاج میں ان سماجی کارکنان نے کہا کہ منی پور تشدد ایک منصوبہ بند سازش ہے اور مانگ کی فوری طور پر منی پور حکومت کو برطرف کیا جائے۔ ان سماجی کارکنان نے کہا کہ آنے والے دنوں میں دیش بھر میں عوام بھارتیہ جنتا پارٹی کی حکومتوں کو برطرف کرنے کا کام کرے گی۔ تازہ ترین اپ ڈیٹ میں، منی پور کے بشنو پور میں میتی کمیونٹی کی قیادت میں مظاہرین کی سکیورٹی فورسز کے ساتھ جھڑپ ہوئی. بھیڑ کو منتشر کرنے کے لیے فورسز نے شدید فائرنگ کی۔
یہ بھی پڑھیں:
ریاست کی دارالحکومت امپھال ویسٹ ڈسٹرکٹ میں صبح 5:00 بجے سے رات 08:00 بجے تک کل کرفیو میں نرمی کی گئی تھی. ضلع میں فوری طور پر مکمل کرفیو نافذ ہے اور عام لوگوں کی ان کی رہائش گاہوں کے باہر نقل و حرکت پر پابندی ہے۔ منی پور پولیس کی طرف سے فراہم کردہ تفصیلات کے مطابق، گزشتہ 24 گھنٹوں کے دوران مختلف اضلاع میں 130 چوکیاں قائم کی گئیں اور پولیس نے مختلف خلاف ورزیوں کے سلسلے میں 347 افراد کو حراست میں لیا۔ جب کہ 3 مئی سے اب تک ریاست میں نسلی تشدد میں کم از کم 150 افراد اپنی جانیں گنوا چکے ہیں۔
