ریاست کرناٹک کے گلبرگہ شہر میں مسلم یونائیٹڈ فرنٹ کی جانب سے کرناٹک میں دسویں جماعت کے امتحانات کو منسوخ کرنے اور بجلی بل معاف کرنے کا مطالبہ کرتے ہوئے گلبرگہ ضلع کمشنر آفیس کے سامنے احتجاج کیا گیا۔
اس موقع پر مسلم یونیٹڈ فرنٹ کے کنوینر مولانا محمد نوح نےکہا کہ 'لاک ڈاؤن کی وجہ سے کاروبار بند رہنے پر غریب مزدور پریشان حال ہیں۔'
انہوں نے کہا کہ 'ایسے حالات میں بجلی بل ادا کرنا ان کے لئے ناممکن ہے۔ اس لئے حکومت سے مطالبہ ہے کہ بجلی بل معاف کر دیا جائے اور کرناٹک میں 25 جون کو ہونے والے دسویں جماعت کے امتحانات کو بھی منسوخ کر دیا جائے۔'
کنوینر مولانا محمد نوح نے کہا کہ 'کرناٹک میں مہاجر مزدوروں کی وجہ سے کورونا متاثرین کی تعداد میں دن بدن اضافہ ہوتا جارہا ہے۔ ایسے حالات میں دسویں جماعت کے امتحانات کی وجہ سے ریاست بھر کے 8 لاکھ طلبہ کو جطرہ ہوسکتا ہے۔ اس لئے ریاستی حکومت دسویں جماعت کے طلبہ کو امتحانات کے بغیر ہی پاس کر کے انہیں گیاروی جماعت میں داخلہ لینے کے لئے موقع فراہم کیا جائے۔'
