مسلم انڈسٹریلسٹ ایسوسی ایشن ریاست کرناٹک کا 18 سال قدیم ادارہ ہے جو کہ ملت میں کاروبار اور نوجوانوں میں آنٹرپرینیورشپ کو فروغ دیتا آرہا ہے۔
اس سلسلے میں مسلم انڈسٹریلسٹ ایسوسی ایشن کے صدر محمد شفیق نے بتایا کہ 'ملت کے افراد صنعت کار بنیں اور کاروبار کے میدان میں ترقی کریں، جس کی رہنمائی کے لیے ایم آئی اے مستعد ہے۔'
ملت کے تئیں ادارے کی مخلصانہ خدمات کو دیکھتے ہوئے شہر کے معروف تاجر ضیاء اللہ شریف نے انہیں ایک بہتر جگہ دی ہے جسے ایم آئی اے نے جدید دفتر کی شکل دی ہے۔
یہ بھی پڑھیں: 'نوجوان خود آگے آئیں اور قیادت کے فقدان کو ختم کریں'
اس موقع پر ادارے کے ذمہ دار عبد الحفیظ نے بتایا کہ 'ادارے کے مقصد کو بہتر طور پر عملی جامہ پہنانے کے لیے مسلم انڈسٹریلسٹ ایسوسی ایشن کی جانب سے ادارے کے کام کو 6 مختلف ویرٹیکلز میں آرگنائزر کیا گیا ہے تاکہ ملت کے نوجوانوں کو آنٹرپرینیورشپ کے میدان میں مضبوط کیا جاسکے۔'
واضح رہے کہ مسلم انڈسٹریلسٹ ایسوسی ایشن میں تقریباً 500 چھوٹے و بڑے صنعتکار و کاروباری رجسٹرڑ ہیں۔
