کورونا وائرس کی وباء کے پیش نظر اس سال شہید ٹیپو سلطان کا یوم پیدائش نہایت سادگی سے منایا گیا۔
اس موقع پر سماجی کارکن سید منصور نے بتایا کہ انہوں نے گزشتہ حکومتوں سے یہ مطالبہ کیا تھا کہ شہید ٹیپو سلطان کی جائے پیدائش دیونہ ہلی میں ٹیپو کے نام سے ایک ریسرچ سینٹر کا قیام کرے۔
انہوں نے کہا کہ بیشتر پارٹیوں نے ٹیپو سلطان کے نام سے ووٹ کی سیاست ضرور کر رہے ہیں لیکن عملی میدان میں سب جھوٹ ہے۔
یاد رہے کہ چند برسوں قبل سدرامیہ کی قیادت والی کانگریس کی حکومت میں کئی سالوں تک "ٹیپو جینتی" منائی جاتی تھی لیکن کانگریس و جے. ڈی. ایس کی مخلوط حکومت کے گرنے و بھارتیہ جنتا پارٹی کے اقتدار میں آنے کے بعد ٹیپو جینتی کو منسوخ کردیا گیا۔
