بیدر:ریاست کرناٹک کے ضلع بیدر میں واقع کرسٹل گارڈن فنکشن ہال میں آل اسکول مینجمنٹ فیڈریشن بسوا کلیان و انجمن فروغ اردو بسوا کلیان کی جانب سے ایک شام مجاہدین آزادی کے نام پر مشاعرے کا اہتمام کیا گیا۔ شیوانند تحصیلدار نے مہمان خصوصی کے طور پر شرکت کی مشاعرے میں وحید پاشاہ قادری حیدراباد ،نعیم راشد برہان پور، شبانہ شبنم اجین ، مبین احمد زخم کرناٹک شمبوئی سنگھ ، رانا تبسم ممبئی سریتا جین دہلی ، حنیف راہی شخا پوری ، شفیق عابدی بینگلور اسلم دانش بسوا کلیان نے اپنا کلام پیش کیا۔
اس موقع پر صحافی عزیز اللہ سرمست نے مجاہد آزادی کے عنوان پر خطبہ پیش کیا۔شفیق عابدی بینگلور نے اپنے نظامت کے دوران عبدالرزاق عرف بابا چودھری کو اردو زبان و ادب میں ان کی گراں قدر خدمات پر مبارکباد بھی پیش کرتے ہوئے کہا کہ عبدالرزاق چودھری مسلسل بسوا کلیان ضلع بیدر میں اردو ادب کو نئی نسل سے واقفیت کروانے کے لیے مسلسل کوشش کر رہے ہیں۔ یوم آزادی کے حوالے سے مجاہد ازادی کے نام اس کل ہند مشاعرے میں ملک کے مختلف ریاستوں کے شاعر وہ شاعرات کو مدعو کرتے ہوئے سماج میں قومی ایکجہتی کے پیغام کو عام کرنے کی کامیاب کوشش کی گئی ہے۔
یہ بھی پڑھیں:Masjid E Taha 'مجاہدین آزادی کو یاد کرنا سبھی کہ ذمہ داری ہے'
پروگرام کے اغاز قرات کلام پاک سے ہوا جبکہ مبین احمد زخم نے نعت کا نظرانہ پیش کیا اور خیر المبین بسواکلیان نے تمام مہمانوں اور شعراء کرام کا تعارف پیش کیا کنوینیر مشاعرہ اسلم دانش نے تمام شعراء کو تہنیت پیش کی۔
