ریاست کرناٹک میں جمیعت علماء ہند بیدر کے صدر مفتی غلام یزدانی اشاعتی نے ای ٹی وی بھارت سے بات کرتے ہوئے کہا کہ آج چودہ سو چالیس ہجری ہے، آئندہ کل سے ہم چودہ سو اکتالیس ہجری میں داخل ہورہے ہیں.
ہجری کیلنڈر کی ابتدا خلیفہ ثانی حضرت عمر رضی اللہ تعالی عنہ کے دور میں ہوئی.
حضرت عمر رضی اللہ عنہا نے مجلس شوریٰ کے غور و فکر کے بعد آپ صلی اللہ علیہ وسلم کی ہجرت مدینہ کو اسلامی کیلنڈر کا نقطہ آغاز تسلیم کیا گیا اور محرم الحرام کو اسلامی سال کا پہلا مہینہ طے کیا گیا.
انہوں نے مزید کہا کہ مسلمانوں کو چاہئے کہ وہ اپنی تاریخ کو یاد رکھیں، کیونکہ جو قومیں اپنی تاریخ یاد رکتی ہیں وہ بلندی پر پہنچتی ہیں اور ہماری قوم کا المیہ یہ ہے کہ ہمیں اپنی تاریخ یاد نہیں
انہوں نے کہا کہ اسلام میں نئے سال کا جشن منانے کا کوئی رواج نہیں ہے.
انہوں نے کہا کہ اس نئے اسلامی سال کے موقع پر معاشرے میں بیداری پیدا کرنے کی ضرورت ہےکیونکہ مسلمانوں کے تمام مذہبی امور اسی سے طے پاتے ہیں، اس لئے ہمارا فریضہ ہے کہ ہم قمری اسلامی یا ہجری کیلنڈر کی اہمیت کو سمجھیں.
