ریاست کر ناٹک کے شہر گلبرگہ میں آل انڈیا مجلس اتحاد المسلمین کو مزید مضبوط بنانے کے لیے پارٹی نے ممبر شپ مہم کا آغاز کیا ہے، پارٹی کی جانب سے ایک لاکھ لوگوں کو ممبرشپ دینے کے لیے مہم چلائی جارہی ہے۔
اس موقع پر آل انڈیا مجلس اتحاد المسلمین ضلع گلبرگہ کے صدر عبدالرحیم مرچی نے ای ٹی وی بھارت سے اپنی خوشی کا اظہار کرتے ہوئے کہا کہ 'اس بار گلبرگہ میں پنچایت انتخابات میں مجلس کے کئی امیدوار کامیاب ہوئے ہیں'۔
مرچی نے کہا کہ گلبرگہ میں مجلس کو زمینی سطح پر مضبوط کرنے کے لیے ضلع بھر میں ایک لاکھ ممبر شپ مہم بھی چلائی جارہی ہے، جس میں کئی نوجوان بزرگ بھی پارٹی سے جڑ رہے ہیں، ان کا کہنا تھا کہ مجلس صرف مسلمانوں کی پارٹی نہیں ہے بلکہ یہ ایک سیکولر جماعت ہے۔
ان کا کہنا تھا کہ مجلس نے ہمیشہ مسلم اور دلتوں کے حقوق کے لیے آواز کو بلند کیا ہے اور اس ملک میں ڈاکٹر بابا صاحب امبیڈکر کے لکھے ہوئے دستور پر عمل کے لیے پابند عہد ہے۔
انہوں نے بتایا کہ دلت بھی مجلس سے جڑ تے ہوئے دیکھے جارہے ہیں، گلبرگہ میں بھی اس بار کے کارپویشن انتخابات میں مجلس اپنے امیدوار کو اتارے گی۔
