اس تقریب میں شہر کے مشہور وکلاء نے آئین اور اس کی اہمیت کے متعلق لوگوں کو بیدار کیا۔
اس موقع پر ایڈووکیٹ ایوب نے کہا کہ ان دنوں فسطائی طاقتیں اقتدار کا غلط فائدہ اٹھا رہی ہیں اور ملک ہند کے عظیم آئین کو نقصان پہنچانے پر آمادہ ہے۔ ان حالات میں ہم تمام پر یہ لازمی ہے کہ آئین کو پڑھیں ، سمجھین اور اس پر عمل کرتے ہوئے لوگوں تک بھی اس بات کو پہنچائیں۔.
اس موقع پر شہر کے معروف و سینٹر ایڈووکیٹ سی. آر. عبد الرشید نے کہا یہ ملک کی عوام ایک پلیٹ فارم پر جمع ہوجائیں اور بلا تفریق دین و مذہب سب ملکر آئین پر منڈلارہے خطرات کو دفاع کریں۔
اس موقع پر ملی کونسل کرناٹک کے سیکرٹری مولانا سلیمان خان نے اعلان کیا کہ ملی کونسل ریاست بھر میں آئین بچاؤ مہم کا آغاز کریگی جہاں گلی محلوں میں ملک کے آئین سے متعلق بیداری تقریب منعقد کیے جائیں گے۔
وہیں ملی کونسل کرناٹک کے صدر سید باقر ارشد نے ای ٹی وی بھارت سے بات کرتے ہوئے کہا کہ' یہ خطرناک دور ہے اور ہمیں ہمارے اکابرین کی طرح قربانیاں پیش کرکے اپنے آئین کی پاسداری کرنی ہوگی۔
پروگرام میں ملی کونسل کے ذمہداران و کئی اہم شخصیات کے علاوہ کثیر تعداد میں لوگوں نے بھی شرکت کی۔
