Skill Development Centre at Masjid Complex مسجد میں نوجوانوں کے لئے اسکل ڈیویلپمینٹ سینٹر کا منصوبہ

سمیع اللہ خان نے کہا کہ مسجد طحہ میں نوجوانوں کے لئے اسکل ڈیولپمنٹ سینٹر بہت جلد قائم کیا جائے گا۔ اس سینٹر سے مقامی نوجوانوں کو اپنی صلاحیت کو نکھارنے کا بھرپورموقع ملے گا۔ Masjid e Taha Working to Setup Skill Development Center

بنگلور: حال ہی میں متیکیرے کی مسجد طحہ نے بیت المال کے نظام کو ایک نو تشکیل شدہ کمیٹی کے حوالے کیا تاکہ علاقے کے غریب مسکین و ضرورتمندوں کی صحیح امداد کی جاسکے۔ Skill Development Centre At Masjid Complex To Ensure Employment To Youth اب مسجد طحہ کی انتظامیہ کی جانب سے ایک اور بڑے قدم کی کوشش شروع ہو چکی ہے۔ مسجد اکے احاطے میں 'ووکیشنل اسکل ڈیولپمینٹ ٹریننگ' کا اہتمام کیا جائے گا۔

اس سلسلے میں مسجد کمیٹی کے صدر سمیع اللہ خان کی سرپرستی میں ایک وفد نے منسٹر فار ہائر ایجوکیشن ڈاکٹر اشوتھ نارائن سے ملاقات کی جنہوں نے مسجد میں اسکل ڈیولپمینٹ سینٹر کے لئے ہری جھنڈی دکھائی اور مسلمانوں کی جانب سے ہو رہی کوششوں کو سراہا۔ اس موقع پر مسجد کمیٹی کے صدر سمیع اللہ خان نے کہا کہ مسجد کے بیت المال کا بہتر مصرف کرنے کی غرض سے مسجد میں "اسکل ڈیولپمینٹ سینٹر" کا قیام کیا جائیگا تاکہ معاشرے میں نوجوان روزگار سے منسلک ہوں۔

انہوں نے کہاکہ اسکل ڈیولپمنٹ سینٹر وقت کی سب سے اہم ضرورت ہے۔اس کی بدولت نوجوان اپنی اپنی صلاحیت کو مزید نکھار سکتے ہیں۔اس کی بدولت ملکی اور بین الاقوامی سطح پر ملازمت کی راہ ہموار ہو سکتی ہے۔