کرناٹک کے ضلع یادگیر میں کانگرس کے ضلعی دفتر میں آج ایک اہم اجلاس منعقد ہوا۔اس اجلاس میں سابقہ قانون ساز کونسل رکن تنور چنا ریڈی، ریاستی یوتھ سیکریٹری راگھویندر، شرن بسپا دشنا پور رکن اسمبلی شاہ پور، یادگیر ضلع کانگریس صدر مری گوڈا پاٹل، ضلع کانگریس خواتین سیل کی صدر منجولا، مائناریٹی کانگریس کے رہنما شیخ ظہیر الدین، رکن بلدیہ وینکٹ ریڈی کے علاوہ کئی سینئر رہنماؤں نے مہمان خصوصی کے طور پر شرکت کی۔
اس موقع پر ضلع یادگیر کے تعلقہ شاہ پور کے مختلف دیہاتوں کے جنتادل سیکولر پارٹی اور بی جے پی پارٹی کے کئی کارکنان نے کانگریس پارٹی میں شمولیت اختیار کی
یادگیر: بی جے پی کے کئی کارکنان کانگریس پارٹی میں شامل اس موقع پر شاہ پور کے رکن اسمبلی شرن بسپا دشنا پور نے اور پارٹی کے دیگر سیاسی سینئر قائد نے تمام لوگوں کا کانگریس پارٹی میں استقبال کیا۔اس موقع پر کانگریس پارٹی کے سینیئر قائدین نے کہا کہ کانگریس پارٹی ہی ملک میں ایسی پارٹی ہے جو تمام طبقات کو ساتھ لے کر چلتی ہے اور جو سیکولرزم پر یقین رکھتی ہے۔
یادگیر: بی جے پی کے کئی کارکنان کانگریس پارٹی میں شامل اس موقع پر تمام کانگریس قائدین نے امید ظاہر کی کہ آنے والے دنوں میں کانگریس پارٹی ملک میں بہتر مظاہرہ کریگی۔اس موقع پر کانگریس پارٹی کے سینیئر قائدین کے علاوہ کانگریس پارٹی کے کارکنان کی کثیر تعداد میں موجود تھی۔
