ہبلی ریلوے اسٹیشن اور ہوائی اڈے پراردو زبان میں بورڈ لگانے کا مطالبہ

ریاست کرناٹک کے ہبلی شہر میں ریلوے اسٹیشن، ہوائی اڈے اور دیگر اہمیت کی حامل مقامات پر دیگر زبانوں کے ساتھ ساتھ اردو زبان میں بھی بورڈ آویزاں کرنے کا مطالبہ کیا جا رہا ہے۔

اردو کلچر فاؤنڈیشن نے حکومت سے مطالبہ کیا ہے کہ ہبلی شہر میں دیگر زبانوں کے ساتھ ساتھ اردو میں بھی سرکاری جگہوں کے نام تحریر کئے جائیں۔

اردو کلچر فاؤنڈیشن ہبلی کے بانی قلندر رضوی نے ای ٹی وی بھارت کو بتایا کہ ہبلی شہر کو چھوٹا ممبئی کے نام سے جانا جاتا ہے۔ اس شہر کو بنگلور کے بعد دوسرا بڑا شہر مانا جاتا ہے۔ اردو زبان ملک کی بڑی زبان ہے اور ہبلی شہر میں دیگر شہروں سے لوگ آتے ہیں اس لیے شہر میں اردو زبان میں بورڈ تحریر کیا جانا بہت ضروری ہے اور یہ عوام کی خواہش بھی ہے۔