اس موقع پر بزم کی جانب سے عزیزاللہ سرمست برادر سجادہ نشین آستانہ اور مولانا محمد شفیع خطیب و امام مسجد آثار کو تہنیت پیش کی۔
محفل نعت کا آغاز مولانا شفیق کی قرآت کلام پاک سے ہوا اس موقع پر محمد یونس، مبین احمد زخم، الیاس صابری، ادریس تسکین، عزیزاللہ سرمست ودیگر نے نعتیہ و منقبتی کلام پیش کیے۔
مولانا شفیق نے کہا کہ قابل مبارک باد ہے بزم نادر اسلوبی یادگیر اور مدرسہ وحیدہ نسوان کے ذمہ داران جنھوں نے اس بابرکت محفل کا انعقاد کیا ہے۔
عزیزاللہ سرمست برادر سجادہ نشین آستانہ حضرت صوفی سرمستؒ سگر شریف نے کہا کہ جہاں اللہ اور اس کے رسولؐ کا ذکر حمد و ثناء ہوتی ہے وہاں فرشتے آتے ہیں۔
انہوں نے کہا کہ اس طرح کی محفل نعت دینی لگاؤ میں معاون ثابت ہوتی ہے اور آج کے مصروف ترین دور میں سچی عقیدت اور احترام سے ذکر رسول اور اس طرح کی نعتیہ محفلوں کا انعقاد کرنا پختہ ایمان کی نشانی ہے۔
