دارالحکومت بنگلور میں کرناٹک کانگریس کے صدر ڈی کے شیوا کمار کی جانب سے افطار پارٹی کا اہتمام کیا گیا، جس میں کئی اہم شخصیات نے شرکت کی۔Iftar Party Organised by DK Shivakumar اس موقع پر کانگریس کے قومی ترجمان رندیپ سنگھ سرجے والا نے ایک سوال کے جواب میں کہا کہ افطار پارٹی بھارتیہ جنتا پارٹی کی جانب سے کیوں نہیں منعقد کی جاتی،کینکہ بی جے پی انسانوں کے درمیان کی محبت و بھائی چارے کو ختم کرکے بلڈوزر چلا تی ہے۔
انہوں نے مزید کہا کہ بی جے پی مختلف مذاہب کے گلدستوں کو بکھیرنا چاہتی ہے، اور کانگریس مہاتما گاندھی کے اصولوں پر چل کر ملک میں بھائی چارے کو فروغ دینے کے لئے پُر عزم ہے،انہوں نے مزید کہا کہ محبت ہمیشہ کامیاب ہوتی یے نفرت ہارتی ہے۔ اس افطار پارٹی میں مختلف مذاہب کے رہنماؤں نے شرکت کی، ملک میں نفرت کو مڈانے اور بھائی چارے کو فروغ دینے کا پیغام دیا گیا۔
امیر شریعت کرناٹک مولانا صغیر احمد رشادی کی دعا پر افطار پارٹی کا اختتام ہوا۔
