ڈاکٹر انوپما کا کہنا ہے کہ' ان کے والد نے قومی اتحاد و قومی یکجہتی کی نیت سے اپنے پانچوں بچوں کو مختلف زبانوں میں داخلہ دلوایا اور ان کا داخلہ اردو اسکول میں کروایا گیا۔
انھوں نے ابتدائی تعلیم انجمن کالج سے حاصل کی ہے اور بیجاپور یونیورسٹی سے پی ایچ ڈی تک کی تعلیم حاصل کی ہے۔
ڈاکٹر انوپما پول نے اپنے پی ایچ ڈی کے موضوع کا ذکر کرتے ہوئے کہا کہ انہوں نےکرناٹک کی اردو شاعری میں وطن دوستی اور قومی یکجہتی کے موضوع پر ڈگری حاصل کی ہے۔
ڈاکٹر انوپما پول نے گزارش کرتے ہوئے کہا کہ' لوگوں کو چاہیے کہ وہ اپنے بچوں کی کم سے کم ابتدائی تعلیم ہی ان کی مادری زبان میں دلوائیں تاکہ وہ بچے مادری زبانوں کے ذریعے اپنی تہذہب و ثقافت کو جان سکیں اس کے بعد انھیں انگریزی یا دیگر زبانوں کی تعلیم دلوائیں۔
انھوں یہ بھی کہا کہ اس سے ملک میں موجود الگ الگ مذاہب کو ماننے والے لوگوں کی مادری زبانوں کو بھی فروغ حاصل ہوگا۔
انہوں نے مزید کہا کہ دوران تعلیم انھیں کبھی بھی کوئی پریشانی نہیں ہوئی، شعراء ادباء اور صحافی احباب نے ان کی کافی ہمت افزائی کی ہے اور ان کے اساتذہ نے بھی انھیں کبھی یہ محسوس تک نہیں ہونے دیا کہ وہ ایک غیر مسلم طالبہ ہیں۔
واضح رہے کہ ڈاکٹر انوپما پول کرناٹک کے اردو حلقے میں اپنا الگ مقام رکھتی ہیں۔
