کرناٹک میں انلاک، معمولات زندگی بحال

سرکاری ذرائع کے مطابق ریاست کے کوڈاگو اور ہاسن اضلاع میں انفیکشن کی شرح بلند ترین سطح پر مستحکم ہے ، اس لئے یہاں ابھی بھی لاک ڈاؤن نافذ ہے۔

کرناٹک میں دو اضلاع کو چھوڑ کر پوری ریاست میں بیشترکورونا پابندیاں ہٹانے کے بعد پیر کے روز معمولات زندگی بحال ہو گئی ۔

سرکاری ذرائع کے مطابق ریاست کے کوڈاگو اور ہاسن اضلاع میں انفیکشن کی شرح بلند ترین سطح پر مستحکم ہے ، اس لئے یہاں ابھی بھی لاک ڈاؤن نافذ ہے۔ کوڈاگو میں ضلعی انتظامیہ نے اشیائے ضروریہ کی دکانوں کو پیر ، بدھ اور جمعہ کو کھولنے کی اجازت دے دی ہے جبکہ دیگر دنوں میں ویک اینڈ لاک ڈاؤن اور کرفیو نافذ رہے گا ۔

وہیں ہاسن میں صبح 6 بجے سے دوپہر 12 بجے تک صرف کاروباری سرگرمیوں کی اجازت ہے ۔ اس دوران ریاست کے بقیہ حصوں میں تجارتی ادارے ، مال اور دفاتر کھلیں گے جبکہ اسپورٹس کمپلیکس ، اسٹیڈیم اور سوئمنگ پول کو صرف ٹریننگ کے لئے کھولنے کی اجازت دی گئی ہے ۔ سنیما ہال ، بار اور تعلیمی ادارے بند رہیں گے او مندروں میں درشن کی اجازت ہوگی۔

یو این آئی